Kalamazoo · 中文

中文:卡拉馬動物園防蟲大作戰 (一)

搬左嚟卡拉馬動物園一個幾星期,都算開始慢慢習慣呢度嘅生活。呢度嘅人大多數都好友善,無論係喺舖頭入面嘅店員,抑或係喺路上嘅司機,佢哋都好幫手同體諒其他人。

如果要數呢度呢度唔好嘅地方,就係呢度好潮濕!!!!好似香港咁,浴室成日都處於濕水唔乾嘅狀態,我塊面都生左幾粒一個幾星期都未走嘅暗瘡(我強烈懷疑佢哋會喺度直到我搬走)!亦因為好潮濕,呢度好多害蟲出現!加上樓上樓下好多鄰居都有種花,又唔清積水,搞到周圍都係蠓!嚟到後我兩隻腳總共俾嘢咬左二十幾啖,日日有新,痕到爆炸,仲起埋水泡,兩隻腳都花哂。我而家對呢啲蟲恨之入骨,已經實行緊各種防蟲大計:

1 - 電子防蟲器

說明書寫明初用一個月屋企會多咗啲蟲出現(因為部機嘅作用就係要迫哂啲蟲出黎,趕走佢哋),果然,用咗一、兩日就出現咗幾隻大蟲,真喺幾得人驚,嗰啲都係奇怪的蟲,希望佢哋可以快啲消失。

2 - 精油/白花油

順佬好耐之前喺精油公司做過,返工時公司送咗試用套裝,入面有薰衣草油,檸檬油同薄荷油(好似仲有其他,但冇帶嚟)。明家姐話薰衣草油對付害蟲好有效,所以我就係咁週圍滴。我唔知道成果係點,因為我仲有俾野咬。

3 - 清潔屋企

我上網睇到話用醋清潔屋企會好乾淨,所以我就用咗醋加水抹廚房。但過左幾日,每逢一入廚房就好痕!上網睇清楚啲,原來醋係會吸引蠓的!佢哋好鐘意酸野!唔怪得之喇!!真係好做唔做。

4-燒艾

我都係岩岩係網上見到燒艾可以驅蟲,記起之前去台灣探朋友坐喺佢家鄉下山上小屋,佢媽媽都有燒艾驅蟲。聽講艾係好天然嘅驅蟲方法,希望有用!佢哋會今個星期寄到,到時就知有冇用了。

試咗咁多方法,我都仲喺日日俾嘢咬,真係好失敗。但係我唔會放棄!!!為左唔痕!!

 

後記:原來喺地氈有貓蝨。上一手有動物。管理公司派人黎噴嘢之後就冇野咬我了。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s